കേരള സർക്കാർ മലയാളം മിഷൻ നടത്തുന്ന “സുഗതാഞ്ജലി കാവ്യ മത്സരം 2023” ന്റെ ഭാഗമായി എൻഎസ്എസ് കുവൈറ്റ് സംഘടിപ്പിച്ച മലയാളം പദ്യപാരായണ മേഖല മത്സരം 27 ഏപ്രിൽ 2023 ( വ്യാഴം ) വൈകിട്ട് 6pm മുതൽ അബ്ബാസിയ ആർട്ട് സർക്കിൾ ഓഡിറ്റോറിയത്തിൽ വച്ച് നടന്നു. വനിതാ സമാജം കൺവീനർ ശ്രീമതി കീർത്തി സുമേഷ് സ്വാഗതം ആശംസിച്ച ചടങ്ങു എൻഎസ്എസ് കുവൈറ്റ് പ്രസിഡന്റ് ശ്രീ ടി. പി. പ്രതാപചന്ദ്രൻ ഉദ്ഘാടനം നിർവഹിച്ചു. മലയാളം മിഷൻ കുവൈറ്റ് ചാപ്റ്റർ കൺവീനർ ശ്രീ സജീവ് .എം. ജോർജ് മുഖ്യ പ്രഭാഷണം നടത്തി. എൻഎസ്എസ് കുവൈറ്റ് വൈസ് പ്രസിഡന്റും മലയാളം ഭാഷാപഠന കോർഡിനേറ്ററുമായ ശ്രീ സന്ദീപ് .എസ്. പിള്ള എൻഎസ്എസ് കുവൈറ്റിന്റെ മലയാളം പഠന പ്രവർത്തനങ്ങളെക്കുറിച്ച് വിവരിച്ചു. ട്രഷറർ ശ്രീ അശോക് കുമാർ പിള്ള ആശംസകൾ അർപ്പിച്ചു. ശ്രീമതി ദീപ പ്രവീൺ അവതാരികയായ ചടങ്ങിന് എൻഎസ്എസ് കുവൈറ്റ് ജനറൽ സെക്രട്ടറി ശ്രീ എൻ. കാർത്തിക് നാരായണൻ കൃതജ്ഞത അർപ്പിച്ചു. തുടർന്ന് നടന്ന പദ്യപാരായണ മത്സരത്തിൽ ശ്രീ ബിജോയ് പാലാ കുന്നേൽ, ശ്രീ സുനിൽകുമാർ മേനോൻ, ശ്രീ അനിൽ ആറ്റുവ എന്നിവർ വിധികർത്താക്കളായി.
സബ്ജൂനിയർ കാറ്റഗറിയിൽ നാഥൻ കൈമൾ മീനച്ചേരിൽ ഒന്നാം സ്ഥാനവും, അനുനന്ദ് .എ. പിള്ള രണ്ടാം സ്ഥാനവും, ദിയ അജയ് നായർ മൂന്നാം സ്ഥാനവും കരസ്ഥമാക്കി.
ജൂനിയർ കാറ്റഗറിയിൽ നയന. ആർ. നായർ ഒന്നാം സ്ഥാനവും, അൻവിത വിനോദ് കുമാർ രണ്ടാം സ്ഥാനവും, അദ്വൈത് അജയ് നായർ മൂന്നാം സ്ഥാനവും കരസ്ഥമാക്കി.